2020--8-10 釣獲要新鮮食
前日爆釣鮫魚+1條海狼，噚晚及今晚煮來食，味道非常好😋😋 做法十分簡單：
1. 辣味炆海狼魚扒
方法：
1. 冰格拿出已切好半條海狼解凍，清洗乾淨切3/4吋厚魚扒，後用吸水紙吸干淨水份，要干身。
2. 用中火熱油先煎薑片到金黃色。
3. 將魚小心放入鍋中煎，左右2邊各煎5分鐘左右(睇魚大細自己調整合適時間)。翻魚要小心不要整斷魚腩位。
4.. 落蔥段、蒜片、辣椒粒適量，再落2湯匙生抽炸落去，馬上再落3-4湯匙熱水，冚上蓋焗2分鐘左右。(生抽與水比率視乎咸淡口味自由調整。)
5..起鍋入碟，上桌享用😋😍。
2. 手工彈彈跳鮫魚魚蛋
方法：
1. 一條2斤鮫魚切去頭尾，起2邊魚肉出來
1. 用鐵羹括d魚肉出來，包括魚骨上的肉，剩下魚皮及魚骨，2斤鮫魚，可括到一斤左右魚肉，剁碎
2. 1/10魚肉量的肥猪肉，剁碎
3. 在魚肉內加入肥猪肉碎、一兩薯粉、少許花雕酒、適量的糖、鹽、蔴油、白胡椒粉、打2隻蛋
4. 用手搓均勻，搓20分鐘，再拿起魚肉團大力掟落器皿內，啪一聲，重複做，直至起膠狀態
5. 搓完的魚肉團放入雪櫃30分鐘
6. 唧魚蛋放入冷水中，1斤魚肉約可以唧到2x粒
7. 唧曬後開中火直至水滾5分鐘即成，此時d鮫魚魚蛋可以彈彈下(睇片)😍😋🤣🤣。
3. 蕃茄薯仔豆腐魚湯
方法：
1. 1對海狼頭尾+1套鮫魚頭、尾、骨、腩、皮
2. 用中火熱油先煎薑片到金黃色。
3. 將魚頭..等小心放入鍋中煎，左右2邊各煎5分鐘左右(睇魚大細自己調整合適時間)。
3. 一煲熱滾水炸落鍋內，大火滾20分鐘，用鏟整碎魚頭、尾，令骨、肉分離才更出味
4. 期間切好蕃茄薯仔豆腐
5. 用瀘綱隔走魚骨及肉渣，淨要魚湯
6. 倒入蕃茄薯仔豆腐於魚湯內再煲30分鐘即成，咁就會非常入味😍😋
釣獲要新鮮食，希望大家可以試下，好易好簡單😎😎💪
Search